| 今日落超大雨...大到我比雨聲吵醒
不過我超開心
我係一個好鍾意落雨既人
我好鍾意係落緊雨既時候 拿著傘 著住人字拖 慢步公園
感覺上 全世界既聲音 都比雨聲掩蓋左
全世界變得好安靜...
而且有一種清洗人世既感覺
一切煩惱都離我而去
感覺好好...
但我唔太喜歡落完雨之後 滿地泥濘水溝既情況
所以 我只係鍾意落緊雨果段時間 |
| |
| 今日睇到一篇spaces
對她...有一點恨 有一點不捨
卻有更多的無奈
是我心態變了 還是她人變了?
我不知道
我只知道現在我跟她就像兩條平衡線
永遠都不會再有交集吧...
|
| |
| 喪玩左成個星期 差唔多晚晚都出去
日頭仲要返學 真係累都累死
今日難得無人約我 又唔洗返學
我決定成日留係房發呆
訓左12個鐘 一洗多日既疲倦
沖完涼洗完面之後 好難得咁見到自己精精神神個樣
點知沖完涼唔夠10分鐘
就比人捉左出去食飯
仲要食到11點先返宿舍
最近真係覺得自己好不知所謂...
自己點諗都未清楚 就想去得到一D跟本唔知自己想唔想要既野
其實自己係咪想要呢? 得到又點呢?
真係好不知所謂...
天阿...快D搵個人罵醒我 |
| |
| 2007年2月21日 大年初四
今日同左9劍去環球嘉年華~
本身大家約好左4點等~
但因為大家有各自既理由 變左唔同時間入場 好無奈
我同樂宜最得閒 3點半就入左場
Niki本身話4點會同男朋友一齊來
點知5點鐘先同Wing,阿哥一齊到
Andy仲勁 6點鐘先到
串燒同零少就有事黎唔到
玩左好多機動遊戲~
又反轉洗衣機 又跳樓機 又踫踫車 又大風車 仲有D唔記得叫咩名
總之玩到痴哂線
因為要維修 玩唔到最想玩果個"驚呼狂叫"....有D唔開心
不過丟左勁多公仔 又開心返 哈哈
阿哥今日勁有運 佢玩第一個Game就丟中隻狗仔(有D似掌門狗)
之後再比佢丟左1隻橙色既米奇同一隻黑白色既米尼返梨(超靚 2個Game都超難玩)
樂宜就超好笑 差D就3隻都係魚 好彩比佢換返隻細細地既長頸鹿 唔係就真係年年有魚...
我就丟左一對黑白型仔雪橇犬同2隻都OK大隻既豹(得個大字...)
因為重複 每樣送左一隻比可憐既樂宜豬
玩到9點幾 肚仔餓 成班友仔去左銅鑼灣食牛排~
之後好滿足咁返屋企覺覺豬.... |
| |
| 係年初二呢個豆利士既好日子....
我竟然...
由早上11點直接訓到初三既早上六點...
我果然係隻懶訓貓...
唔得~我今日要豆多D利士~! |
| |
